اسلام آباد یونائیٹڈ کے پلئیر عماد وسیم کے سگریٹ پینے کی تصویر وائرل

کراچی(ڈیلی پوائنٹ)اسلام آباد یونائیٹڈ کے پلئیر عماد وسیم ایک مرتبہ شائقین کرکٹ کے نشانے پر آگئے۔پاکستان سپر لیگ (پی ایس ایل) فائنل میچ کے دوران ڈریسنگ روم میں اسلام آباد یونائیٹڈ کے آل راؤنڈر عماد وسیم کو ڈریسنگ میں روم میں جب بڑی اسکرین پر دیکھایا گیا تو وہ سیگریٹ پی رہے تھے جس کی ویڈیو سوشل میڈیا پر تیزی سے وائرل ہوگئی۔
واقعہ 17.4 اوورز میں ملتان سلطانز کی بیٹنگ کے دوران پیش آیا، کیمرہ مین نے بڑی اسکرین پر عماد وسیم کو دیکھایا تو وہ سیگریٹ کا کش لے رہے تھے۔
عماد وسیم کو سلطانز کے خلاف فائنل میچ میں پلئیر آف دی ایوارڈ سے نوازا گیا، انہوں ںے 4 اوورز میں 23 رنز کے عوض 5 وکٹیں جبکہ میچ کے اختتامی لمحات میں 19 رنز کی اننگز کھیل کر ٹیم کو فتح سے ہمکنار کروایا تھا۔عماد وسیم کے سگریٹ کے حوالے سے سوشل میڈیا صارفین نے خوب میمز بنائی.کسی نے لکھا کہ افطاری کے بعد لڑکوں کا پہلا کام یہی ہوتا ہے.کسی نے لکھا کہ سگریٹ کا ایک کش سارے غم بھلا دیتا ہے.