سوشل میڈیا پر عمران خان کی دھوم کی وجہ سے انٹرنیٹ بند کر دیا گیا عمر ایوب

اسلام آباد(ڈیلی پوائنٹ)پاکستان تحریک انصاف کے سینئر رہنما اور اپوزیشن لیڈر عمر ایوب کا کہنا ہے کہ سوشل میڈیا پر عمران خان کی دھوم ہے اس لیے انٹرنیٹ کو جان بوجھ کر بند کیا گیا.قومی اسمبلی اجلاس میں اظہار خیال کرتے ہوئے عمر ایوب نے کہا کہ قائمہ کمیٹی انفارمیشن ٹیکنالوجی میں کئی افسران نہیں آئے .
افسران نے کہا کہ ہماری میٹنگ ہے،کیا یہ بہانے کریں گے اور قومی اسمبلی کی رٹ کو قائم کریں۔انہوں نے کہا کہ پہلے بتایا گيا کہ 28 اگست تک انٹرنیٹ اسپیڈ ٹھیک ہو جائے گی، اب بتایا جارہا ہے کہ انٹرنیٹ ویب سسٹم انسٹال کیا جا رہا ہے، آئی ٹی کمیٹی میں غلط بیانی کی گئی۔
عمر ایوب کا کہنا تھا کہ بلوچستان کے بارے میں آپ کہتے ہیں کوئی مسئلہ نہیں ہے پھر کوئٹہ پریس کلب میں پابندی کیوں لگائی گئی ہے؟ بلوچستان میں مایوسی پھیل رہی ہے جو کہ خوف ناک بات ہے۔