عمران خان کی جگہ چئیرمین پی ٹی آئی کانام فائنل؟

اسلام آباد(ڈیلی پوائنٹ)پاکستان تحریک انصاف کے نائب صدر شیر افضل مروت نے انٹرا پارٹی الیکشن میں چیئرمین شپ کے امیدوار کا نام بتادیا۔
نجی ٹی وی سے گفتگو میں شیر افضل مروت نے کہا کہ بیرسٹر گوہر خان پی ٹی آئی کی چیئرمین شپ کے امیدوار ہوں گے۔پی ٹی آئی نائب صدر نے مزید کہا کہ چیئرمین پی ٹی آئی عمران خان نے کہا ہے کہ انٹرا پارٹی الیکشن میں بیرسٹر گوہر خان میری طرف سے چیئرمین شپ کے امیدوار ہوں گے۔
اس سے قبل نجی چینل کے ساتھ گفتگو کرتے ہوئے پی ٹی آئی سینیٹر علی ظفر نے کہا کہ عمران خان کی جگہ چیئرمین پی ٹی آئی کےدو ، تین ناموں میں سے ایک پر اتفاق ہوگیا ہے۔
دوسری طرف پی ٹی آئی ترجمان شعیب شاہین نے کہا تھا کہ نئے پارٹی چیئرمین کے نام پر ابھی تک کوئی فیصلہ نہیں ہوا ہے۔