(ڈیلی پوائنٹ) بھارتی میڈیا رپورٹس کے مطابق بالی ووڈ اداکار پلکت سمراٹ اور کریتی کھربندا نے شادی کرلی، جوڑے نے شادی کا باضابطہ اعلان سوشل نیٹ ورک انسٹاگرام پر کیا اور تصاویر شیئر کیں۔ اداکارہ نے کیپشن میں محبت بھرا پیغام بھی لکھا ہے۔اس کے بعد ساتھی جوڑے کو نیک خواہشات اور مبارکباد کا سلسلہ شروع ہو گیا ہے.
شادی کی تقریب گڑگاؤں میں ہوئی اور اس میں قریبی دوستوں اور رشتہ داروں نے شرکت کی۔ شادی کے موقع پر دلہن کریتی نے شادی کے لیے گلابی رنگ کا لہنگا منتخب کیا جب کہ پلیکت نے سبز رنگ کی شیروانی پہنی جس بہت پذیرائی ملی۔
ان کے درمیان محبت کی کہانی فلم پاگل پنتی کے سیٹ پر شروع ہوئی جس کے بعد ان کا رشتہ مزید مضبوط ہو گیا۔ انہوں نے فلم ویر کی ویڈنگ اور ٹش میں ایک ساتھ کام کیا۔ پلکیت نے پہلے شویتا روہیر سے شادی کی تھی جو 11 ماہ بعد ختم ہوگئی۔
بھارتی اداکار پلکیت سمراٹ اور کریتی کھربندہ نے شادی کرلی
