(ڈیلی پوائنٹ) صوبہ خیبرپختونخواہ میں تحصیل کونسل کے چیئرمینوں کی 6 خالی نشستوں پر آج پولنگ ہو رہی ہے ۔الیکشن کمیشن کے مطابق چئیرمین تحصیل کونسل کی 6 نشستیں استعفوں کی وجہ سے خالی ہوئیں ہیں۔ تمام تحصیلوں میں پولنگ کا آغاز آ ج صبح 8 بجے ہو گیا ھے۔پولنگ شام 5 بجے تک بلا تعطل جاری رہے گی۔ علی الصبح خواتین بھی اپنے ووٹ کے حق کے استعمال کیلیے پولنگ اسٹیشنوں پر موجود ہیں ۔الیکشن کمیشن کے مطابق پولنگ کے عمل کی نگرانی کے لئے ڈسٹرکٹ مانیٹرنگ آفیسرز اور ضلعی مانیٹرنگ ٹیمیں متحرک ہیں ۔
الیکشن کمیشن سیکرٹریٹ مرکزی کنٹرول روم سے لوکل گورنمنٹ ضمنی انتخابات کی مانیٹرنگ جارہی ھے۔ پولنگ یا انتخابی عمل کے دوران قانون کی خلاف ورزی پر سخت قانونی کاروائی کی جائے گی۔
خیبرپختونخواہ ضمنی بلدیاتی انتخابات برائے تحصیل کونسل چیئرمین 2024
