مریم نوازکپڑے کہاں سے اورکتنے میں خریدتی ہیں،عظمیٰ بخاری نے بتادیا

لاہور(ڈیلی پوائنٹ )وزیرِ اطلاعات پنجاب عظمیٰ بخاری نے کہا ہے کہ وزیرِ اعلیٰ پنجاب مریم نواز 500 سے 800 روپے کی قیمت کا لان کا جوڑا پہنتی ہیں۔
عظمیٰ بخاری کا کہنا تھا کہ خدا نے مریم نواز کو ایسا خوبصورت چہرہ دیا ہے کہ انہیں زیادہ چیزیں لگانے کی ضرورت نہیں پڑتی، وہ ایک یا دو چیزیں لگاتی ہیں۔
ان کا کہنا تھا کہ مریم نواز بازار میں ملنے والے لان کے 500، 600 یا 800 روپے والے جوڑے خرید کر پہنتی ہیں، بات کپڑوں کی قیمت اور برانڈز کی نہیں ہوتی بلکہ اصل بات یہ ہے کہ کوئی ان کپڑوں کو کیسے پہنتا ہے، میں خود بھی ان سے انسپریشن لیتی ہوں۔
عظمیٰ بخاری کا یہ بھی کہنا تھا کہ مریم نواز چھوٹے برانڈ کے لان کے کُرتے پہنتی ہیں تب بھی وہ بہت حسین نظر آتی ہیں، وہ کسی کی نقل نہیں کرتیں بلکہ سب انہیں کاپی کرتے ہیں، مریم نواز زیادہ تر آن لائن شاپنگ کرتی ہیں۔