لاہور(ڈیلی پوائنٹ ) پاکستان شوبز انڈسٹری کی معروف اداکارہ صبا قمر نے پہلی بار اس شخصیت کا نام بنا دیا جن سے وہ شادی کرنا چاہتی تھی۔حال ہی میں احسن خان نے یوٹیوب پر اپنے پوڈ کاسٹ کی ویڈیو اپلوڈ کی جس میں اُنہوں نے صبا قمر سے دلچسپ سوال پوچھنے کے ساتھ ساتھ روز مرہ کی باتیں کی۔احسن خان نے صبا قمر سے سوال کیا کہ آپ اُس اداکار کا نام بتائیں جو اگر شادی شدہ نہیں ہوتا تو آپ اُسے شادی کی پیشکش کردیتیں۔
اس سوال کے جواب میں صبا قمر نے احسن خان کی طرف اشارہ کیا اور کہا کہ میں نے اداکاری کی دُنیا میں قدم رکھنے سے پہلے کسی سے احسن خان کا نمبر لیا تھا احسن خان کو کالز اور میسجز کرکے کہتی تھی کہ مجھے صرف ایک بار آپ کے ساتھ کام کرنا ہے۔
صبا قمر نے کہا کہ شوبز میں آنے کے بعد جب پہلی بار احسن کے ساتھ کام کیا تو شروعات میں ہماری لڑائی ہوگئی تھی لیکن پھر وقت کے ساتھ ساتھ مجھے احسن سے محبت ہوگئی تھی۔اداکارہ نے انکشاف کیا کہ میں نے احسن سے اپنی محبت کا اظہار کرنا ہی تھا کہ احسن خان کی زندگی میں اُن کی اہلیہ آگئیں اور پھر دونوں کی شادی ہوگئی۔
صبا قمر کی بات مکمل ہونے کے بعد احسن خان نے کہا کہ میں یہ سمجھتا تھا کہ شاید صبا کا کہیں رشتہ ہوگیا ہے یا پھر وہ پسند کی شادی نہیں کریں گی۔پوڈ کاسٹ میں صبا قمر نے مزید کہا کہ میں نے احسن خان کی محبت میں اندرون سندھ جاکر فلم بھی کی تھی، اگر احسن کے علاوہ کوئی اور شخص بولتا تو میں کبھی وہ فلم نہیں کرتی۔
واضح رہے کہ احسن خان نے سال 2008 میں فاطمہ سے شادی کی تھی، اس جوڑی کے دو بیٹےاور دو بیٹیاں ہیں جبکہ صبا قمر ابھی تک کنواری ہیں۔
میں تم سے شادی کرنا چاہتی تھی
