مسلم فنکارہ کی ’تھیٹر سے جنازہ نکالنے‘ کی وصیت ،نیا تنازع کھڑا ہوگیا

لاہور( ڈیلی پوائنٹ )نامور مصری فنکارہ سلویٰ محمد علی نے کہا ہے کہ وہ خواہش رکھتی ہیں کہ ان کے جنازے کو تھیٹر سے نکالا جائے اور پھر نماز جنازہ کیلئے مسجد لے جایا جائے۔
ایک پروگرام میں گفتگو کرتے ہوئے فنکارہ کا کہنا تھا کہ وہ نیشنل تھیٹر سے بہت زیادہ منسلک ہیں اور انہوں نے اپنے خوابوں کو اسی تھیٹر میں حاصل کیا اور اس کے ساتھ ان کی بہت سی کامیابیاں جڑی ہوئی ہیں۔
سلویٰ محمد علی کا کہنا تھا کہ وہ موت سے نہیں ڈرتیں لیکن انہیں بیماری سے ڈر لگتا ہے اور وہ اللہ سے دعاگو ہیں کہ انہیں کوئی مہلک بیماری نہ لگے۔
مصری اداکارہ کا کہنا تھا کہ وہ پہلی فنکارہ نہیں جنہوں نے یہ وصیت کی ہے بلکہ اس سے قبل شفیق نورالدین اور توفیق الدقن کے جنازے بھی تھیٹر سے نکالے گئے تھے۔