لاہور(ڈیلی پوائنٹ) پاکستان کی معروف میزبان و اداکارہ نادیہ خان کو آریز احمد اور
حبا بخاری کو ننھےمہمان کی آمد پر مبارک باد دینے مہنگا پڑ گیا.نادیہ خان آج کل
ایک نجی ٹی وی کے پروگرام میں بطور تجزیہ نگار کام کر رہی ہیں جہاں اُنہوں نے حبا بخاری اور دانش تیمور کی سُپر ہٹ ڈرامہ سیریل ’جان نثار‘ کے بارے میں اپنا تجزیہ پیش کیا۔
انہوں نے بتایا کہ حبابخاری ماں بنے والی ہیں.اس حالت میں انہوں نے ڈرامہ سیریل ’جان نثار‘ اور ’رد‘ کی شوٹنگ مکمل کروائی.نادیہ خان نے آریز احمد اور حبا بخاری کو اس خوش خبری پر مبارک باد بھی دی۔دوسری جانب سوشل میڈیا صارفین کو نادیہ خان کا آریز احمد اور حبا بخاری یو ں مبارک باددینا پسند نہیں آیا۔
نادیہ خان کو اب سوشل میڈیا صارفین کی جانب سے شدید نتقید کا سامنا ہے کیونکہ آریز احمد اور حبا بخاری نے خود ابھی اس خوشی کی خبر کے بارے میں مداحوں کو نہیں بتایا ہے۔واضح رہے کہ آریز احمد اور حبا بخاری 2022ء میں رشتۂ ازدواج میں منسلک ہوئے تھے۔
