بھارتی جیولین تھرور نیرج چوپڑا بھی ارشد ندیم کے حق میں بول پڑے

(ڈیلی پوائنٹ)ورلڈ اور اولمپک چیمپئن بھارتی جیو لین تھرور نیرج چوپڑا نے ارشد ندیم کے حق میں بول پڑے.ایک انٹرویو میں نیرج چوپڑا کا نے کہا کہ اس بات پر یقین کرنا مشکل ہےکہ ارشد ندیم کو جیولین کے حصول میں مشکل کا سامنا ہے، ارشد ندیم جس پائےکے ایتھلیٹ ہیں ان کے لیے یہ کوئی بڑا مسئلہ نہیں ہونا چاہیے تھا۔
نیرج چوپڑا نے مزید کہا کہ پاکستانی حکومت ارشد ندیم کی ضروریات کو دیکھ سکتی ہے اور سپورٹ کر سکتی ہے، میری حکومت بھی مجھے سپورٹ کر رہی ہے۔ ارشد ندیم ٹاپ جیولین تھرور ہے، مجھے یقین ہے جیولین بنانے والے ارشد ندیم کو اسپانسر کرکے خوش ہوں گے ۔ ارشد ندیم کو جو چاہیے اسے دینا چاہیے، یہی میری درخواست ہے۔
خیال رہےکہ پاکستانی جیولین تھرور ارشد ندیم نے پیرس اولمپکس میں کھیلنے کے لیے انٹرنیشنل لیول کی جیولین نہ ہونےکا انکشاف کیا تھا۔