پاکستان کرکٹ ٹیم کوآسٹریلیامیں نسلی امتیاز کاسامنا

لاہور(ڈیلی پوائنٹ )کینبرا میں وارم اپ میچ میں نسلی امتیاز کے معاملے پر کرکٹ آسٹریلیا نے غلطی تسلیم کرتے ہوئے پاکستان سے معذرت کرلی۔
کرکٹ آسٹریلیا نے وارم اپ میچ میں نسلی امتیاز کے معاملے پر پاکستان سے معذرت کی ہے، اس حوالے سے بیان میں کہا گیا کہ میچ گرافکس کے ڈیٹا میں پہلے سے یہ لفظ موجود ہونے پر غلطی ہوئی، احساس ہوتے ہی اس کی درستگی بھی کردی گئی، بہرحال نشر ہونے پر افسوس ہے۔
یاد رہے کہ پہلے روز کے کھیل میں دوران بیٹنگ گرافکس میں پاکستان کیلیے ایک قابل اعتراض لفظ کا استعمال ہوگیا جس پر خاصی تنقید ہوئی تھی۔یادرہے کہ اس سے قبل
سڈنی ایئرپورٹ پر پاکستانی کرکٹرز کیساتھ ناروا سلوک کی ویڈیووائرل ہوئی تھی جس میں دیکھا جاسکتا ہے کہ پاکستانی کھلاڑی اپنے کرکٹ بیگ اٹھا کرخود گاڑی میں رکھ رہے ہیں۔