اسلام آباد( ڈیلی پوائنٹ ) آسٹریلیا سے ہونے والی والی بال سیریز کے پہلے میچ میں پاکستان نے فتح اپنے نام کرتے ہوئے ایک صفر سے برتری حاصل کرلی۔
تفصیلات کے مطابق پاکستان اسپورٹس کمپلیکس اسلام آباد کے لیاقت جمنازیم میں کھیلے جانیوالے پہلے میچ میں گرین شرٹس نے کینگروز کیخلاف شاندار کھیل پیش کیا۔
قومی والی بال ٹیم نے میچ کے تین سیٹ پچیس بائیس، پچیس بائیس اور پچیس بیس سے جیتے۔ تین میچوں کی سیریز کا دوسرا میچ 29 مئی کوکھیلا جائے گا۔
والی بال میچ دیکھنے کے لیے شائقین کی بڑی تعداد موجود تھی جنہوں نے قومی کھلاڑیوں کی حوصلہ افزائی کی۔
پاکستان کاآسٹریلیا کے خلاف فاتحانہ آغاز
