کراچی (ڈیلی پوائنٹ )ورلڈ کپ میں ناقص کارکردگی پی سی بی کو بھی آخر کا ر ہوش آہی گیا ہے۔پاکستان کرکٹ بورڈ نے انضمام الحق کے بطور چیف سلیکٹر مستعفی ہونے کے بعد دیگر اراکین کو گھر بھیجنے کا فیصلہ کرلیا ہے۔ذرائع کے مطابق لاہور میں چیئرمین پی سی بی مینجمنٹ کمیٹی ذکا اشرف نے وہاب ریاض اور سابق کپتان یونس خان سے ملاقاتیں کیں اور اس ملاقات میں سہیل تنویر بھی موجود تھے اس دوران سلیکشن کمیٹی سمیت کرکٹ کے مختلف امور پر مشاورت کی گئی ہے۔
ذرائع کا کہنا ہےکہ پی سی نے سینئر اور جونیئر سلیکشن کمیٹی کے عبوری سربراہ توصیف احمد اور وجاہت اللہ واسطی کو بھی فارغ کرنےکا فیصلہ کرلیا گیا ہے۔
ذرائع کا مزید کہنا ہے کہ دورہ آسٹریلیا کے لیے پاکستان ٹیم کا انتخاب نئی سلیکشن کمیٹی کرےگی۔مگر کچھ سینئر کھلاڑیوں نے پی سی بی کو مشورہ دیا ہے کہ دورہ آسٹریلیا میں کچھ بھی تبدیلی نہ کریں۔
پی سی بی کو ہوش آگیا
