کراچی(ڈیلی پوائنٹ)پی آئی اے کی کتے کے ساتھ ٹکر کی خبریں موصول ہوئی ہیں۔ جی ہاں آپ نے پی آئی اے کی پرندوں کے ساتھ ٹکر یا آپس میں جہازوں کے ساتھ ٹکر کی خبریں تو سنی ہوگی مگر اب کراچی سے خبر ملی کہ پی آئی اے اور کتے کی ٹکر ہوئی ہے۔
پاکستان انٹر نیشنل ایئر لائنز (پی آئی اے)پہلے ہی بہت سے بحرانوں کا شکار ہے اور اب پی آئی اے جہاز کے ساتھ کتا ٹکرا گیا ہے ۔
تفصیلات کے مطابق پی آئی اے کے متعد دطیارے پہلے ہی مختلف وجوہات کی بنیاد پر گراونڈ ہو چکے ہیں جبکہ حالیہ تیل کے بحران نے تو رہی سہی کسر بھی نکال دی ہے۔ایئر پورٹ کی حدود میں جانوروں کے منڈلانے کی روک تھام کیلئے کوئی خاص پالیسی دکھائی نہیں دے رہی ہے اور اس کا شکار حال ہی میں پی آئی اے کا ایک اور طیارہ ہو گیاہے.
سیالکوٹ ایئر پورٹ پر پی آئی اے کا طیارہ پرواز بھرنے کیلئے رن وے پر دوڑ رہا تھا کہ اچانک ایک کتا دوڑتا ہو ا رن وے پر طیارے کے سامنے آ گیا اور جان گنوا بیٹھا ۔ کتے کے ٹکرانے سے جہاز کو نقصان سے بال بال بچ گیا ۔
پائلٹ نے کتے کے ٹکرانے کی اطلاع کنٹرول ٹاور پر دی اور نقصان کی اطلاع نہ ہونے پر پائلٹ نے پرواز جاری رکھی ۔ انتظامیہ نے رن وے پر ڈیوٹی دینے والے مخصوص اہلکاروں کو شوکاز نوٹس جاری کر دیئے ہیں ۔
ایسا ہی ایک واقعہ گزشتہ ہفتے اسلام آباد ایئر پورٹ پر بھی پیش آیا جہاں ایک جانور دوڑتا ہوا رن وے پر آیا اور جہاز سے ٹکرا گیا ۔نجی ایئر لائن دبئی سے آ رہی تھی ۔ پائلٹ نے اس معاملے کے بارے میں فوری کنٹرول ٹاور پر اطلاع بھی دی تھی ۔
پی آئی اے کی کتے کے ساتھ ٹکر ہوگئی
