اسلام آباد(ڈیلی پوائنٹ )وزیراعظم شہباز شریف نے وفاقی حکومت کی طرف سے کسانوں سے گندم کی فوری خریداری کا حکم دیدیا ہے۔
سعودی عرب روانگی سے قبل وزیر اعظم نے کسانوں کی شکایات پر نوٹس لیتے ہوئے فوری اقدامات اٹھانے کا حکم دیا۔
وزیراعظم نے پاسکو کو گندم خریداری کے ہدف میں اضافے کے احکامات دیتے ہوئے گندم خریداری کا ہدف بڑھا کر 1.8ملین میٹرک ٹن کردیا۔
شہباز شریف نے گندم کی خریداری کے حوالے سے کسانوں کی سہولت کو ترجیح دینے کی ہدایت کر دی۔
وزیر اعظم نے کسانوں کی گندم خریداری سے متعلق مشکلات کو دیکھتے ہوئے یہ قدم اٹھایا۔
وزیراعظم کااہم اقدام،کسانوں کے مطالبات تسلیم
