15 اکتوبر ہر صورت ڈی چوک میں احتجاج کریں گے پی ٹی آئی کا اعلان

اسلام آباد(ڈیلی پوائنٹ)پی ٹی آئی کا 15 اکتوبر کو ہر صورت اسلا م آباد کے ڈی چوک میں احتجاج کرنے کا اعلان کر دیا ہے. ترجمان کے مطابق 15 اکتوبرکوڈی چوک پراحتجاج کے پیشِ نظرپنجاب کے اضلاع میں ہونے والے احتجاج منسوخ کردیے گئے ہیں۔
ترجمان کا کہنا تھاکہ مینڈیٹ چور حکمران ظلم اورسفاکیت ترک کرنے پر آمادہ نظر نہیں آرہے۔خیال رہے کہ شنگھائی تعاون تنظیم (ایس سی او) کا سربراہی اجلاس 15 اور 16 اکتوبر کو اسلام آباد میں ہوگا جس میں چین، روس اور بھارت سمیت دیگر ممالک کے سربراہان اور نمائندے شریک ہوں گے۔
ایس سی او اجلاس کی سکیورٹی کیلئے اسلام آباد میں فوج تعینات کی گئی ہے جو 17 اکتوبر تک رہے گی۔