پی ٹی آئی کوبڑا دھچکا، ن لیگ کی مقبولیت بڑھ گئی

لاہور(ڈیلی پوائنٹ )الیکشن سے قبل میاں نوازشریف کاجادو سرچڑھ کربولنے لگا۔
چارسالہ جلاوطنی اور پھروطن واپسی کے بعد قائدن لیگ کی دانشمندانہ پالیسیوں کی بدولت پارٹی نے اپناکھویا ہوامورال اپ کیا بلکہ عوامی مقبولیت میں پی ٹی آئی کوپیچھےچھوڑ دیا۔ حالیہ سرویز کے مطابق تمام زاویوں کے مطابق ن لیگ کودیگرتمام جماعتوں کے مقابلے عوامی مقبولیت زیادہ ہے۔
آئی آر آئی ایس کمیونیکیشن کی زیر نگرانی انتہائی اہم سروے کے نتائج منظر عام پر آگئے۔
جنوری 2024 میں آئی آر آئی ایس کمیونیکیشن نے پنجاب میں رائے عامہ کا ایک حالیہ سروے منعقد کیا، نتائج میں سیاسی پارٹیوں کی درجہ بندی میں تبدیلی اور وسیع تر مسائل حل کرنے کیلئے ایک مستحکم حکومت کی اہمیت پر بھی زور دیا گیا۔
سروے کے مطابق فروری، مارچ 2023 سے جنوری 2024 تک سیاسی جماعتوں کی درجہ بندی میں بھی تبدیلیاں آئی ہیں اور پی ٹی آئی کی عوام میں مقبولیت 43 فیصد سے کم ہو کر 35 فیصد ہوگئی ہے جو آنے والے الیکشن میں ووٹنگ میں کمی کی طرف اشارہ ہے۔
سروے کے نتائج کے مطابق مسلم لیگ ن کی مقبولیت میں اضافہ دیکھنے میں آیا جو 31 فیصد سے بڑھ کر 43 فیصد ہوگئی ہے۔