راکھی ساونت کا آپریشن،مداحوں سے دعاؤں کی اپیل

لاہور(ڈیلی پوائنٹ) بھارتی اداکارہ و ماڈل راکھی ساونت کو تشویشناک حالت میں ممبئی کے اسپتال میں داخل کرایا گیا جہاں ڈاکٹر ز نے رسولی کی تشخیص کے بعد فوری سرجری تجویز کی ۔ اس طرح 18 مئی کو راکھی ساونت کی رسولی کامیاب آپریشن کیا گیا،سابق شوہر نے ویڈیو بھی شیئر کردی۔
بھارتی میڈیا کے مطابق ڈاکٹروں نے اداکارہ کے رحم سے 10 سینٹی میٹر کی رسولی نکالی۔
سرجری سے قبل، راکھی ساونت کے سابق شوہر رتیش سنگھ نے اپنے آفیشل انسٹاگرام ہینڈل پر ایک ویڈیو پوسٹ کی جس میں اداکارہ کو وہیل چیئر پر آپریشن تھیٹر کے اندر لے جاتے ہوئے دیکھا جاسکتا ہے۔
رتیشن سنگھ نے اپنی پوسٹ میں کہا کہ راکھی ساونت کو تکلیف میں دیکھ کر دل رو رہا ہے لیکن مجھے یقین ہے کہ وہ جلد صحتیاب ہوجائیں گی۔
اُنہوں نے مزید کہا کہ اس مشکل گھڑی میں راکھی ساونت اپنی والدہ کو بہت یاد کررہی ہیں اور ساتھ ہی بھارتیوں سے ووٹ ڈالنے کی اپیل بھی کررہی ہیں۔
رتیش سنگھ کی پوسٹ پر راکھی ساونت کے مداحوں کی جانب سے اداکارہ کی مکمل صحتیابی کے لیے دُعائیہ پیغامات بھی جاری کیے گئے۔
واضح رہے کہ 15 مئی کو راکھی ساونت کو طبیعت ناساز ہونے کی وجہ سے اسپتال داخل کیا گیا تھا جس کی تصاویر بھی وائرل ہوئی تھیں۔