ریلیف ملناشروع،عمران خان ایک مقدمے میں بری

اسلا م آباد(ڈیلی پوائنٹ )اسلام آباد کی مقامی عدالت نے پاکستان تحریک انصاف کے سابق چیئرمین عمران خان اور سابق وفاقی وزیر اسد عمر کو ریلی نکالنے پر تھانہ مارگلہ میں درج مقدمے سے بری کردیا۔
ڈسٹرکٹ اینڈ سیشن کورٹ میں جوڈیشل مجسٹریٹ مرید عباس نے عدلیہ کے حق میں ریلی نکالنے کے معاملے پر تھانہ مارگلہ میں درج مقدمے کی سماعت کی۔
اس موقع پر ملزمان کی جانب سے ان کے وکیل سردار مصروف اور آمنہ علی عدالت کے روبرو پیش ہوئے۔
وکیل سردارمصروف نے عدالت کو بتایا کہ ملزمان پر تمام کیس سیاسی بنیادوں پر بنائے گئے ہیں، استدعا ہےکہ تمام ملزمان کو بری کیا جائے۔
دوران سماعت عدالت نے عمران خان اور سابق وفاقی خزانہ اسد عمر کو مقدمے سے بری کر دیا
دوران سماعت عدالت نے تھانہ مارگلہ کے مقدمے میں دونوں ملزمان کو بری کرنے کاحکم سنادیا۔
عدالت نے مقدمے میں شریک ملزم ایم این اے راجہ خرم نواز سمیت دیگر ملزمان کو بھی بری کرنے کا حکم سنادیا۔
واضح رہے کہ پیر کو اسلام آباد ہائیکورٹ نے توشہ خانہ کیس میں پاکستان تحریک انصاف کے سابق چیئرمین عمران خان اور ان کی اہلیہ بشریٰ بی بی کی سزا معطل کردی تھی۔