کراچی( ڈیلی پوائنٹ)پاکستانی معروف گلوکار علی سیٹھی نے اپنی جنس سے متعلق ایک نئی پوسٹ جاری کردی۔ علی سیٹھی کی انکے قریبی دوست و مصور سلمان طور سے شادی کی افواہ نے ان کے مداحوں کو چونکا ڈالا تھا لیکن اب علی سیٹھی کی ایک نئی پوسٹ نے تہلکہ مچا دیا ہے۔
علی سیٹھی نے انسٹاگرام پر ایک پوسٹ جاری کی جس میں انہوں نے اپنے بچپن کی تصویر شئیر کی ہے۔ تصویر علی سیٹھی کی سالگرہ کی ہے جس میں وہ آسمانی شرٹ پہنے ہوئے ہیں اور ان کے سامنے ایک کیک رکھا ہے جس پر ’ہیپی برتھ ڈے علی ’ لکھا ہے۔
View this post on Instagram
علی سیٹھی نے تصویر کے کیپشن میں لکھا کہ ’ ہائے چھوٹے، مجھے معلوم ہے کہ یہ تھوڑا مشکل ہوتا ہے کہ جب وہ کہتے ہیں کہ جو تم ہو وہ تم نہ بنو’۔
انہوں نے لکھا کہ ’ لیکن وہ اصل بات جو تمہیں دوسرے سے منفرد بناتی ہے وہ تمہاری خوبصورتی اور خاص طاقت ہے، محبت تمھاری منتظر ہے’۔
اس کیپشن کے آخر میں علی سیٹھی نے اپنے ہم جنس پرست ہونے کا شبپ ظاہر کرتے ہوئے ہیش ٹیگ ’ہیپی پرائڈ‘ لکھا جو ایل جی بی ٹی کیو کے دن کو منانے کیلئے استعمال کیا جاتا ہے۔
یاد رہے کہ اگست 2023 میں سوشل میڈیا پر یہ خبر گردش کرتی دکھی کہ علی سیٹھی اپنے قریبی دوست سلمان طور کی محبت میں مبتلا ہیں اور دونوں مبینہ طو رپر شادی بھی کر چکے ہیں۔ اس خبر کی بنیاد مقبول ترین امریکی اخبار ’دا نیو یارک ٹائمز‘ کا ایک آرٹیکل بنا تھا۔ جبکہ واشنگٹن پوسٹ’ نے علی سیٹھی کیلئے ’کوئیر‘ یعنی ’ہم جنس پرست مرد‘ کی اصطلاح کا استعمال کیا تھا۔
