آج سرخرو ہو کر ملک واپس آرہا ہوں

دبئی (ڈیلی پوائنٹ)اللہ نے آج سرخرو کر دیا ۔آج چار سال کے بعد پاکستان جا رہا ہوں بہت خوشی ہے۔یہ باتیں نواز شریف کی ہیں جنھوں نے دبئی انٹرنیشنل ایئرپورٹ پر صحافیوں سے غیر رسمی طور پر بات کی۔ان کا کہنا تھا کہ میں نے اور میری بیٹی نے ان گنت عدالت میں پیشیاں بگتی ہیں۔ میری بیٹی کے پاس تو کوئی عہدہ بھی نہیں تھا مگر اس کو بھی ظالموں نے نہ چھوڑا ۔
مجھے تو خوشی ہوتی اگر پہلے سے زیادہ آج ملک میں زیادہ ترقی ہوتی مگر افسوس۔نواز شریف کا کہنا تھا بجلی کی پیدوار بڑھانے سے لے کر ملک میں ترقیاتی کام سب ہم نے کروائے۔الیکشن کے سوال پر ان کا کہنا تھا کہ یہ کام الیکشن کمیشن کا ہے وہ تاریخ دے ہم الیکشن کے لیے تیار ہیں۔
ان کا مزید کہنا تھا کہ ملک میں ترقی ہم ہی کر سکتے ہیں اور ہم پہلے سے زیادہ محنت کریں گے اور 2017 والی پوزیشن پر ملک کو لے کر جائیں گے۔نواز شریف کے ساتھ 28 صحافی اور 140 کے قریب کارکن طیارہ امید پر سفر کریں گے۔طیارہ امید پاکستانی وقت کے مطابق ساڑھے نو بجے اڑان بھرے گا۔