آپ کے اندر ٹیلنٹ ہونا چاہیے شوبز انڈسٹری میں کام مل جاتا اداکارہ سونیا حسین

لاہور(ڈیلی پوائنٹ)پاکستان شوبز انڈسٹری کی معروف اداکارہ سونیا حسین کا کہنا ہے کہ تعلقات کا کوئی مسئلہ نہیں آپ کے اندر ٹیلنٹ ہے تو شوبز انڈسٹری میں کام مل ہی جاتا ہے. ان کا کہنا ہے کہ انڈسٹری میں جگہ بنانے کے لیے تعلقات کا ہونا ضروری نہیں یہ سب بہانے ہیں آپ کو اپنا کام آنا چاہئے۔
حال ہی میں اداکارہ کو ساتھی اداکارہ و میزبان اشنا شاہ کے پروگرام میں دیکھا گیا۔دورانِ انٹرویو انہوں نے بیشتر فنکاروں کی جانب سے کام نہ ملنے یا پھر لیڈ رول نہ ملنے کی شکایات کو بے سبب قرار دیا اور کہا کہ انڈسٹری میں فیورٹ ازم ضرور ہے لیکن مجھے نہیں لگتا کہ انڈسٹری میں اقربا پروری جیسی کوئی چیز ہے.
یا پھر صرف گورے رنگ کو فوقیت دی جاتی ہے، بلکہ جو کام کرنا جانتا ہے وہ اپنی جگہ اپنے کام کی بنیاد پر بنا سکتا ہے۔سونیا حسین نے اس بات پر زور دیا کہ محنت بالآخر رنگ دیتی ہے اور نئے آنے والوں کو مشورہ دیا کہ وہ بہانے بنانے سے گریز کریں اور سخت محنت پر توجہ دیں۔