نیشنل سائبر کرائم انویسٹی گیشن ایجنسی (NCCIA) نے معروف یوٹیوبر رجب بٹ کے خلاف مقدمہ درج کر لیا ہے۔ ان پر الزام ہے کہ انہوں نے جوا اور سٹے بازی والی ایپس کی تشہیر کی اور عوام کو ان ایپس میں سرمایہ کاری پر اکسایا۔
ایف آئی آر کے مطابق رجب بٹ نے مختلف سوشل میڈیا پلیٹ فارمز پر ویڈیوز اور اشتہارات کے ذریعے یہ ایپس پروموٹ کیں۔ رپورٹ میں مزید انکشاف کیا گیا ہے کہ وہ ایک مشہور بیٹنگ ایپ کے برانڈ ایمبیسیڈر بھی رہ چکے ہیں۔
ایجنسی کے مطابق ملزم کو متعدد بار انکوائری کے لیے نوٹس جاری کیے گئے، تاہم وہ پیش نہ ہوئے۔ بار بار کی عدم پیشی کے بعد ان کے خلاف مقدمہ درج کر لیا گیا۔
این سی سی آئی اے نے اس کیس میں مزید کارروائی کرتے ہوئے جوا پروموٹ کرنے کے الزام میں دو مزید یوٹیوبرز، انس علی اور ہریرا، کے خلاف بھی مقدمات درج کر لیے ہیں۔
