لاہور(ڈیلی پوائنٹ ) پاکستان کرکٹ ٹیم کے سابق کپتان اور مایہ ناز آل راؤنڈر شعیب ملک کےاپنے لیے سال 2024 خاصہ لکی ثابت ہواہے ، جس میں سپرفٹ سٹار نے پاکستان ڈرامہ انڈسٹری کے خوبصورت ترین اداکارہ ثناء جاوید سے دوسری شادی کر لی اور ساتھ ہی ٹی ٹوئنٹی کرکٹ میں 13 ہزار رنز بھی مکمل ہوگئے۔
پاکستان کرکٹ ٹیم کے سابق کپتان شعیب ملک نے پاکستانی اداکارہ ثناء جاوید سے فوٹو اینڈ ویڈیو شیئرنگ پلیٹ فارم انسٹاگرام اور سماجی رابطے کی ویب سائٹ ایکس پر پوسٹ شیئر کر کے اپنی شادی کا اعلان کیا ہے۔قومی ٹیم کے سابق کپتان نے پوسٹ کے کیپشن میں اللّٰہ تعالیٰ کا شکریہ ادا کرتے ہوئے ’الحمد للّٰہ‘ لکھا اور ساتھ میں قرآنی آیت بھی شیئر کی ہے۔
شعیب ملک نے جو قرآنی آیت شیئر کی اس کا ترجمہ کچھ یوں ہے کہ ’اور ہم نے تمہیں جوڑوں میں بنایا ہے‘۔اداکارہ ثناء جاوید نے بھی انسٹاگرام پر اپنا نام تبدیل کرکے شادی کی تصدیق کردی ہے۔
شعیب ملک 13 ہزار ٹی ٹوئنٹی رنز بنانے والے پہلے ایشین اور دنیا کے دوسرے پلیئر ہیں، پاکستان کرکٹ ٹیم کے سابق کپتان نے یہ کارنامہ اپنی 487 ویں اننگز میں انجام دیا۔
ان دنوں شعیب ملک بنگلادیش پریمیئر لیگ میں فورچیون باریشال کی نمائندگی کر رہے ہیں، بی پی ایل میں رانگپور کے خلاف 7 واں رن لے کر انہوں نے 13 ہزار رنز مکمل کیے۔
ٹی ٹوئنٹی کرکٹ میں سب سے زیادہ رنز 14562 ویسٹ انڈیز کے سابق کھلاڑی کرس گیل نے بنائے ہیں اور اب اس فہرست میں شعیب ملک دوسرے نمبر پر ہیں۔
2024 شعب ملک کےلیے لکی ثابت مگر کیسے؟
