خادم پنجاب عثمان بزدار الیکشن میں حصہ نہیں لیں گے

تونسہ (ڈیلی پوائنٹ)سیاسی منظرنامے پر ایک اور اپ سیٹ،سابق وزیراعلیٰ پنجاب عثمان بزدار بھی انتخابات سے دستبردار ہوگئے ہیں۔عثمان بزدارنےڈیرہ غازی خان تونسہ کی نشست سے اپنےکاغذات واپس لے لیے،عثمان بزدار کےبھائی سردارجعفر بزدارانتخابات میں حصہ لیں گے،بزدارخاندان کےذرائع کا کہنا ہےکہ موجودہ حالات میں عثمان بزدارحلقہ کی سیاست نہیں کرنا چاہتے۔
پی پی 284 تونسہ سردار عثمان بزدار کے کاغذات نامزدگی واپس لینے کا نوٹیفکیشن بھی جاری کر دیا گیا ہے۔

دوسری جانب آئی پی پی کےرہنما فرخ حبیب عام انتخابات 2024 سےدستبردارہوگئے۔ذرائع کا کہنا ہےکہ سیٹ ایڈجسٹمنٹ نہ ہونے کےباعث فرخ حبیب نےتمام حلقوں سے کاغذات واپس لیے۔
یادرہے کہ فرخ حبیب نےقومی اسمبلی کےحلقے این اے 101، این اے 102 سے کاغذات نامزدگی جمع کروائے تھے۔