دنیا بھر میں لاہور پہلے نمبر پر آگیا

لاہور(ڈیلی پوائنٹ) دنیا کے آلودہ ترین شہروں میں لاہور آج بھی پہلے نمبر پر آگیا ہےاور شہر کا فضائی معیار انتہائی آلودہ ریکارڈ کیا گیاہے۔
لاہور کا ائیر کوالٹی انڈیکس 383 ریکارڈ کیا گیا اور دنیا بھر کے آلودہ ترین شہروں میں بھارتی دارالحکومت دہلی کا دوسرا نمبر ہے۔کراچی کا آلودہ ترین شہروں کی فہرست میں تیسرا نمبر ہے جس کا ائیر کوالٹی انڈیکس191ریکارڈ کیا گیاہے۔
ائیرکوالٹی انڈیکس کے مطابق کراچی میں 151سے 200 درجے تک آلودگی مضر صحت ہے۔ 20 سے 300 درجے تک آلودگی انتہائی مضرصحت جب کہ 301سے زائد درجہ خطرناک آلودگی کوظاہر کرتا ہے۔
اس کے علاوہ پنجاب کے کئی شہر اسموگ کی لپیٹ میں ہیں۔سرگودھا میں سانس، دمہ ، گلے اور پھیپھڑوں کے مرض میں مبتلا مریضوں کی تعداد میں غیر معمولی اضافہ ہوا ہے۔
ڈاکٹروں کے مطابق آلودگی سے بچے اور بوڑھے زیادہ متاثر ہورہے ہیں، ماسک لازمی استعمال کرنے، پانی ابال کر پینے، سبزیوں اور پھلوں کو دھو کر استعمال کرنے پر زور دیا جارہا ہے۔
حکومت گزشتہ عرصے سے کوئی خاطر خواہ اقدامات کرنے میں ناکام ثابت ہوئی ہے۔ پنجاب میں آئے دن سوسائٹیز کا قیام مزید سموگ کا باعث بن سکتا ہے۔