(ڈیلی پوائنٹ)پاکستان شوبز انڈسٹری کی معروف اداکارہ عائشہ عمر نے حال ہی میں ایک پوڈکاسٹ میں شرکت کی جس میں انہوں نے انکشاف کیا کہ وہ جب 8 سال کی تھیں تو لاہور میں پی ٹی وی کے ایک شو کی میزبانی کرتی تھی۔اداکارہ نے بتایا کہ اس وقت منیزہ ہاشمی پی ٹی وی کی ایم ڈی تھیں اور تب وہ ایک شو ڈیزائن کر رہی تھیں جس کا نام ’میرے بچپن کے دن‘ تھا اور اُنہیں اس شو کی میزبانی کرنے کے لیے اپنے ساتھ ایک چھوٹا بچہ یا بچی بھی چاہیے تھی۔
اُنہوں نے بتایا کہ اس شو میں بڑی عمر کی میزبان وہ خود تھیں اور میں ان کے ساتھ شو کی میزبانی کرتی تھی۔عائشہ عمر نے بتایا کہ میں نے اس شو میں بہت ساری نامور شخصیات کا انٹرویو کیا تھا اور مجھے ابھی تک یاد ہے کہ میں نے صرف 8 سال کی عمر میں جاوید میانداد اور عدنان سمیع خان جیسے بڑے ناموں سے بھی انٹرویو لیا تھا۔اُنہوں نے یہ بھی کہا کہ پی ٹی وی نے بچوں کو بہت اہمیت دی اور اپنے مختلف پراجیکٹس میں انہیں شامل کیا۔
میں نے 8سال کی عمر میں شوکی میزبانی کی:اداکارہ عائشہ عمر کا انکشاف
