اسلام آباد(ڈیلی پوائنٹ )جمعیت علماء اسلام (جے یو آئی) کے سربراہ مولانا فضل الرحمان نے کہا ہے کہ اگر پاکستان تحریک انصاف (پی ٹی آئی) کے بانی چیئرمین عمران خا ن سے ملاقات کاامکان بنا تو مذاکرا ت سے پیچھے نہیں ہٹیں گے۔دوسری جانب مولانا فضل الرحمن نے عمران خان کو یہودی ایجنٹ کہنے کو سیاسی بیان قرار دیدیا۔
ملتان صحافیوں سے گفتگو میں مولانا فضل الرحمان نے بانی پی ٹی آئی سے متعلق اپنے سابقہ موقف پر وضاحت دے دی۔
انہوں نے کہا کہ دس، بارہ سال بانی پی ٹی اور ہم مد مقابل رہے ہیں، یہودی ایجنٹ کہنا گالی نہیں ہے بلکہ یہ احتجاج کا عنوان ہے۔
جے یو آئی سربراہ نے کہا کہ مجھ سے پوچھنا چاہیے تھا کہ میں یہودی ایجنٹ کیوں کہہ رہا تھا، پی ٹی آئی والے پہلے آتے تو بھی ان کے سامنے اپنا موقف رکھتا، آج بھی رکھا ہے۔
بانی پی ٹی آئی سے ملاقات کے امکان کے سوال پر انہوں نے جواب دیا کہ ہم سیاسی لوگ ہیں، مذاکرات سے انکار نہیں کریں گے، مذاکرات کا ماحول بنتا ہے تو حوصلہ افزائی کریں گے۔
مولانا فضل الرحمن کاعمران خان سے ملاقات کا اعلان ؟
