سکول ٹیچر پر تیزاب پھینک دیا گیا

لاہور(ڈیلی پوائنٹ) شاہدرہ کے علاقے میں خاتون پر تیزاب گردی کا واقعہ پیش آیا ہے۔2 نامعلوم موٹرسائیکل سواروں نے عائشہ نامی ٹیچر پر تیزاب پھینک دیا۔ تیزاب سے اسکول ٹیچر عائشہ کا چہرہ جھلس گیا۔ عائشہ کو طبی امداد کے لیے اسپتال منتقل کردیا گیا ہے جہاں انہیں طبی امداد فراہم کی گئی۔
پولیس نے خاتون کا ابتدائی بیان ریکارڈ کرنے کے بعد واقعے میں ملوث ملزم کو سیالکوٹ ایئرپورٹ سے گرفتار کر لیا۔ ملزم ملک سے فرار ہونے کی کوشش کر رہا تھا۔ملزم متاثرہ عائشہ کو پسند کرتا تھا۔ عائشہ نے رشتہ کرنے سے انکار کیا، تو ملزم عمر نے رنج میں تیزاب پھینکا۔