پاکستان کی ہونیوالی بہو ہوں راکھی ساونت پاک بھارت میچ میں کسے سپورٹ کررہی ہیں؟

(ڈیلی پوائنٹ) پاک بھارت میچ سے قبل فینز پر کرکٹ کا بخار سر چڑھ کر بول رہا ہے وہیں اداکارہ راکھی ساونت بھی کسی سے پیچھے نہیں ہیں۔آئی سی سی چیمپئنز ٹرافی کے میچز جاری ہیں جس میں اب تک کا سب سے بڑا مقابلہ پاک بھارت میچ کے درمیان 23 فروری کو دبئی میں کھیلا جائے گا۔راکھی ایک ویڈیو سوشل میڈیا پر بھی وائرل ہے جس میں انہیں کرکٹ کھیلتے دیکھا جاسکتا ہے۔
اس دوران راکھی نے ایک شرٹ زیب تن کر رکھی ہے جس کی انوکھی بات یہ ہے کہ اس پر پاکستان اور بھارت دونوں ملکوں کا نام لکھا ہوا ہے۔بھارتی اداکارہ نے اپنی ویڈیو میں کہا کہ وہ بھارت کی بیٹی ہیں اور پاکستان کی ہونے والی بہو ہیں اس لئے وہ دونوں ٹیموں کو سپورٹ کررہی ہیں۔اداکارہ کی یہ ویڈیو سوشل میڈیا پر وائرل ہورہی ہے جس پر صارفین کی جانب سے مختلف تبصروں کا سلسلہ جاری ہے۔